Pákistannyń eks-premer-mınıstri ekinshi ret Nobel syılyǵyna usynyldy
ASTANA. KAZINFORM - Pákistannyń eks-premer-mınıstri jáne oppozıtsııalyq «Ádilet qozǵalysy» partııasynyń negizin qalaýshy Imran Han beıbitshilik salasyndaǵy Nobel syılyǵyna usynyldy. Bul týraly Report.az habarlady.
Ony Pákistandaǵy adam quqyqtary men demokratııalyq qundylyqtarǵa qosqan úlesi úshin Pakistan World Alliance (PWA) quqyq qorǵaý uıymy usynǵan.
Imran Han bul mártebeli syılyqqa ekinshi ret usynylyp otyr. 2019 jyly ol Pákstanda Úndistanmen áskerı shıelenisti báseńdetýdegi kúsh-jigeri úshin Nobel beıbitshilik syılyǵyna usynyldy jáne Pákistan parlamentinde onyń kandıdatýrasyn qoldaý týraly qarar qabyldandy.
Alaıda Han óziniń Nobel syılyǵyna laıyq emes ekenin, onyń pikirinshe, syılyq Kashmır máselesin túpkilikti retteýge qol jetkizgen saıasatkerge berilýi tıis ekenin aıtty.
Eske salaıyq, Imran Han 2018-2022 jyldary Pákistan Mınıstrler kabınetin basqarǵan.
Pákistan prezıdenti Zardarı Karachı aýrýhanasyna jatqyzyldy.