Pákistannyń Aýǵanstan aýmaǵyna jasaǵan shabýylynan ondaǵan adam qaza tapty

ASTANA.KAZINFOFM — Pákistan áýe kúshteri Aýǵanstanǵa áýe shabýylyn jasady. Bir mezgilde úsh shyǵys provıntsııasyna soqqy berilip, on beıbit turǵynnyń ómirin qıdy. Bul týraly X platformasynda Aýǵanstannyń bıleýshi ​​Talıban qozǵalysynyń ókili Sabıhýllah Mýdjahıd málim etti, dep habarlaıdy BILD.

Ázirge Islamabadtan resmı túsinik berilgen joq, biraq jergilikti BAQ-tyń habarlaýynsha, Pákistan áskerıleri áýe shabýyldaryn rastady.

Kórshiles eki el arasyndaǵy shıelenis jyldam ýshyǵyp barady. Qazan aıynyń ózinde-aq qandy qaqtyǵystar boldy: Kabýldaǵy terrorıstik shabýyldar týraly aıyptaýlardan keıin Talıban Pákistannyń shekara beketterine shabýyl jasap, sońy aýqymdy shaıqastarǵa ákeldi.

Pákistan Kabýl birqatar terrorıstik shabýyldarǵa qatysy bar Pákistan Talıban qozǵalysynyń múshelerin jasyryp otyr dep aıyptaıdy. Aýǵanstan bıligi muny joqqa shyǵarady.

Jańa shabýyldar Pákistandaǵy eki terrorıstik shabýyldan keıin boldy. Qarasha aıynyń ortasynda Islamabadtaǵy terrorıst 12 adamnyń ómirin qıdy. Bir kún buryn Pákistannyń taǵy bir qalasynda, Peshavarda, úsh sarbaz qaza tapty. Osydan keıin Pákistannyń qorǵanys mınıstri Havadja Asıf Islamabad Aýǵanstandaǵy nysandarǵa shabýyl jasaıtynyn málimdedi. Kabýl kek alýǵa ýáde berdi. Mýdjahıdtiń aıtýynsha, óz aspanyn, aýmaǵyn jáne azamattaryn qorǵaý — eldiń «zańdy quqyǵy», al Talıban «qajetti jaýapty tıisti ýaqytta beredi».