Pákstandaǵy jappaı tártipsizdikten 1 adam qaza taýyp, 400-den astam adam japa shekti
ASTANA. QazAqparat - Pákstan astanasy Islamabadta el premer-mınıstri Navaz Sharıftiń ornynan ketýin talap etip sherýge shyqqandar men polıtsııa arasyndaǵy qaqtyǵysta 1 adam qaza taýyp, 400-dan astam adam zardap shekti, dep habarlaıdy «Jalyqtar» RAA.
Tártipsizdikter kóbine áıelderden quralǵan sherýshiler Sharıftiń rezıdentsııasyn basyp almaq bolǵan kezde bastalǵan. Narazy top krandar arqyly rezıdenıtsıaǵa baratyn joldaǵy bógetterdi syryp tastamaq bolǵan. Polıtsııa kózden jas aǵyzatyn gaz ben rezeńke oq paıdalandy.
Zardap shekkender jaqyn mańdaǵy eki aýrýhanaǵa jetkizildi. Islamabad polıtsııasynyń basshysy Halıd Hattak kúsh qoldanýdyń sebebin sherýshilerdiń qolynda balǵa, tisteýik, balta sııaqty qarýlar bolǵanymen túsindirdi. Qorǵanys mınıstri Qoja Muhammed Asıftiń aıtýynsha, tártip saqshylary sherýshilerdi yǵystyrdy. Aıta keteıik, Pákstandaǵy myńdaǵan sherýshilerdiń basyn qosqan narazylyq sharasy tamyzdyń orta kezinde bastalǵan bolatyn. Oppozıtsııalyq «Pákstan Tehrık-e Insaf» partııasynyń kóshbasshysy Imran Han men «Mınhajýl Quran» dinı qozǵalysynyń basshysy Tahır ál-Qadrı bastaǵan sherýshiler eldiń premer-mınıstri Navaz Sharıfti saılaý nátıjesin qoldan jasady jáne jemqorlyqqa qatysy bar dep aıyptap, ornynan ketýin talap etti.
