Pákistandaǵy jarylystan úsh qaýipsizdik qyzmetkeri kóz jumdy

ASTANA. KAZINFORM — Pákistannyń soltústik-batysyndaǵy Haıber-Pahtýnhva provıntsııasynyń Haıber aýdanynda qaýipsizdik kúshteriniń kóligi jarylyp, úsh qaýipsizdik qyzmetkeri qaza tapty. Taǵy úsh adam jaralandy, dep habarlaıdy Sınhýa.

Quqyq qorǵaý organdarynyń málimetinshe, qaýipsizdik qyzmetkerleri mingen kólik Barkambarhel aýdany arqyly ótip bara jatyp, onda qashyqtan basqarylatyn jarylǵysh zat iske qosylǵan. Polıtsııa jarylysqa qoldan jasalǵan jarylǵysh zat sebep bolǵanyn málimdedi.

Jarylys jaqyn mańdaǵy kólikterge de zaqym keltirip, aımaqta úreı týdyrdy.

Vedomstvonyń aıtýynsha, shabýylda qaýipsizdik qyzmetkerleri nysanaǵa alynǵan.

Eske salaıyq, osyǵan deıin Pákistan men Aýǵanstan shekarasynda qaqtyǵys bolǵany týraly jarııaladyq.