Pákistandaǵy jarylys: 13 sarbaz qaza taýyp, 24-i jaralandy

ASTANA. KAZINFORM – Pákistannyń Aýǵanstanmen shekaralas Haıber-Pahtýnhva provıntsııasynda jarylys boldy. Bul týraly Anadoly agenttigi habarlady. 

Jergilikti Khyber Chronicles gazetiniń habarlaýynsha, Soltústik Vazırıstan aımaǵyndaǵy áskerı kolonna jolyna qoıylǵan jarylǵysh qurylǵy qashyqtan jarylǵan. 

Shabýyl saldarynan aldyn ala málimet boıynsha 13 sarbaz qaza taýyp, 24 adam jaralanǵan, onyń ishinde 14 beıbit turǵyn. 

Pákistandaǵy terrorızm máselesi 

Pákistandaǵy qarýly shabýyldar negizinen Aýǵanstanmen shektesetin Haıber-Pahtýnhva jáne Belýdjıstan provıntsııalarynda shoǵyrlanǵan. 

Etnıkalyq pýshtýndar men belýdjılerdiń quqyqtaryn qorǵaımyz degen qarýly toptar eki provıntsııada da qaýipsizdik kúshteri men beıbit turǵyndarǵa shabýyl jasady. Islamabad Aýǵanstanda ornalasqan «Tehrık-e-Talıban Pákistan» (TTP) Aýǵanstan aýmaǵynan shabýyldar jasap jatyr dep málimdeıdi. Kabýl bul aıypty joqqa shyǵarady. 

Belýdjıstanda Belýdjıstan azattyq armııasy (BLA) provıntsııanyń Pákistannan bólinýin jáne Belýjılerdi basqarýdy jaqtaıtyn mańyzdy ról atqarady. 

Eske sala keteıik, budan buryn Úndistanda Pákistanǵa janashyrlyq bildirgen 81 adam ustalǵanyn jazǵan edik.