Pákistandaǵy sý tasqynynan qaza tapqandar sany 1000 adamnan asty
ASTANA. KAZINFORM — 26 maýsymnan beri Pákistanda tolassyz jaýǵan jaýyn-shashyn saldarynan bolǵan sý tasqyndary saldarynan 1002 adam kóz jumdy, dep habarlaıdy Anadoly.
Bul týraly Pákistannyń Tabıǵı apattardyń aldyn alý ulttyq basqarmasy (NDMA) habarlady. Qurbandardyń qatarynda 274 bala men 163 áıel bar. Sonymen qatar, 1000-nan astam adam túrli deńgeıde jaraqat alǵan.
Pendjab provıntsııasynda ǵana 2,4 mıllıonnan astam adam tabıǵı apat saldarynan zardap shekken.
Sý tasqyndary el ınfraqurylymyna aıtarlyqtaı zalal keltirdi:
-
12 myńnan astam úı búlingen,
-
6 509 mal qyrylǵan.
Bılik ókilderi bul tasqyndardy 2022 jylǵy apattan keıingi eń iri tabıǵı apat dep atady. Ol kezde 1 700-den astam adam qaıtys bolyp, el aýmaǵynyń úshten biri sý astynda qalǵan, al jalpy shyǵyn kólemi 32 mıllıard dollardan asqan bolatyn.
Budan buryn 9 qyrkúıekte Pákistannyń Pendjab provıntsııasynda sý tasqyny qaýpine baılanysty 25 myń adam evakýatsııalanǵanyn jazdyq.