Pákistandaǵy sý tasqyny: qaza tapqandar sany 330-ǵa jetti

ASTANA. KAZINFORM – Pákistannyń soltústiginde nóser jaýyn saldarynan bolǵan sý tasqyny men kóshkinderden qaza tapqandar sany 330-ǵa jetti, dep habarlaıdy Geo News.

Іzdestirý-qutqarý toptary ótken túni laı kóshkini men kenetten bolǵan sý tasqynynan qıraǵan úılerdiń úıindisiniń astynan kóptegen adamnyń máıitin tapty.

Resmı derekterge sáıkes, qaza tapqandardyń basym bóligi Haıber-Pahtýnhva provıntsııasynda tirkelgen – 307 adam. Gılgıt-Baltıstan óńirinde - 12, Azad-Kashmırde 11 adam qaza bolǵan. Sondaı-aq Haıber-Pahtýnhva provıntsııasynda 32 adamnyń habar-osharsyz ketkeni aıtyldy.

Meteorologtardyń boljamynsha, eldiń soltústiginde nóser jaýyn 21 tamyzǵa deıin jalǵasady.

Pákistan premer-mınıstri Shahbaz Sharıf tótenshe aımaqtarǵa dári-dármek, azyq-túlik pen qajetti kómekti dereý jetkizýdi tapsyrdy.

Eske salsaq, buǵan deıin Úndistannyń Kashmır aımaǵynda bolǵan sý tasqynynan 60 adam qaza taýyp, 80-ge jýyq adam habar-osharsyz ketkeni habarlanǵan edi.