Pákistandaǵy sý tasqyny eki kúnde 35 adamnyń ómirin qıdy

KARAChI. KAZINFORM – Jergilikti bılik Haıber-Pahtýnhva provıntsııasynda nóser jaýyn saldarynan bolǵan sý tasqyny aımaqtaǵy úıler men kópirlerge qatty zaqym keltirgenin habarlady. Bul týraly Anadolu agenttigi jazdy.

Sońǵy 48 saǵatta Pákistannyń soltústiginde nóser jaýyn ákep soqtyrǵan sý tasqyny saldarynan keminde 35 adam qaza tapty.

Haıber-Pahtýnhva provıntsııasynda tolassyz jaýǵan jańbyr saldarynan bolǵan sý tasqyny aımaqtaǵy úıler men kópirlerdi qatty zaqymdady, dep habarlady jergilikti bılik.

Sondaı-aq, shtattyń ártúrli aımaqtarynda nóser jańbyr saldarynan bolǵan oqys oqıǵalardan 15 adam zardap shekti.

Pákistannyń meteorologııalyq departamenti 2-6 tamyz aralyǵynda elde qatty jańbyr jaýyp, sý tasqyny bolatynyn eskertti.