Pákistandaǵy sý tasqyny: 100-den astam adam iz-túzsiz ketti

ASTANA. KAZINFORM - Pákistanda kúshti sý tasqynynan keıin qutqarýshylar 100-den astam adamdy izdestirip jatyr, dep jazady Al Jazeera.

Naqtylanǵan málimetterge sáıkes, 15 tamyzda bastalǵan sý tasqyny saldarynan 360 adam mert boldy.

Qurban bolǵandardyń basym bóligi eldiń soltústik-batysyndaǵy Haıber-Pahtýnhva provıtsııasynda turǵan. Bul aımaqta tasyǵan ózenderdiń sýy bútindeı aýyldardy aǵyzyp ketken, kóshkin júrip, úıler qırap, kóptegen otbasy úıindi astynda qaldy.

Bılik áli de sý tasqyny bolyp, kóshkin júrýi múmkin ekenin eskertip, jergilikti ákimshilikterdi saq bolýǵa shaqyrdy.

Pákistanda mýsson maýsymy ádette shildeden qyrkúıekke deıin jalǵasatyn. Al jańbyr eń kóp mólsherde túsetin kezi tamyzǵa keledi.

Pákistanda maýsym aıynyń sońynda mýsson jaýyndary jaýyp, onyń arty kóshkinge ulasty, kenetten sý tasqyndary bolyp jatty, saldarynan 650-den astam adam mert bolyp, myńy jaraqat aldy.

Ulttyq tabıǵı apattarmen kúres basqarmasynyń tóraǵasy, General-leıtenant Inam Haıder Malık Islamabadta ótken baspasóz máslıhaty barysynda Pákistanda klımattyń ózgerýinen aýa raıy da qubylyp jatqanyn málim etti.

- Mýsson jaýyndarynyń jıiligi bıyl ótken jylǵydan 50-60 paıyz joǵary boldy,-dedi Haıder.

Tabıǵı apattan eń kóp zardap shekken provıntsııa – Haıber-Pahtýngva boldy. Onda 425 adam mert boldy, 164 adam Pendjabta kóz jumdy.

Osyǵan deıin Pákistandaǵy sý tasqynynan qaza tapqandar sany 330-ǵa jetkeni týraly jazdyq.