Pákistandaǵy shahtada bolǵan apattan qaza tapqandar sany 34-ke jetti
ASTANA. KAZINFORM – Pákistannyń Belýdjıstan provıntsııasyndaǵy kómir shahtasynyń opyrylýy saldarynan qaza tapqandar sany 34 adamǵa jetti, dep habarlaıdy Kazinform Hovar agenttigine silteme jasap.
Geo telearnasynyń málimetinshe, qutqarý jumystary áli de jalǵasyp jatyr.
Buǵan deıin apat saldarynan toǵyz adamnyń qaza tapqany habarlanǵan edi. Shahta ıesiniń aıtýynsha, oqys oqıǵaǵa metan jarylysy sebep bolýy múmkin. Sol kezde jer astynda 42 jumysshy bolǵan.
Qazirgi ýaqytta úıindi astynda qalǵan kenshilerdi qutqarý operatsııasy júrgizilip jatyr.
Materıal Kazinform agenttigine seriktes Hovar agenttigi tarapynan arnaıy usynyldy.
Aıta keteıik, buǵan deıin Pákistanda kómir shahtasy opyrylyp túsip, kenshiler kóz jumǵanyn jazdyq.
Pákistan armııasy sodyrlarǵa qarsy 40 myńnan astam operatsııa júrgizgeni habarlanǵan.
