Pákistandaǵy nóser jaýynnan 13 adam qaza taýyp, ondaǵan turǵyn jaraqat aldy
ASTANA. KAZINFORM – Pákistanda tolassyz jaýǵan mýssondyq jaýyn saldarynan 13 adam qaza taýyp, taǵy 37 adam jaraqat aldy. Nóserden turǵyn úıler qırap, eldi mekenderdi sý basty. Bılik aldaǵy kúnderi tabıǵı apat qaýpi saqtalatynyn eskertti, dep habarlaıdy Anadoly.
Sońǵy bir táýlikte elde nóser jaýynnyń saldarynan 13 adam kóz jumyp, 37 adam túrli jaraqat alǵan.
Pendjab provıntsııasynyń Rescue 1122 avarııalyq-qutqarý qyzmetiniń ókili Muhammed Farýktyń aıtýynsha, aýa raıynyń qolaısyzdyǵyna baılanysty bolǵan oqıǵalardan segiz adam qaza taýyp, 37 adam zardap shekken. Olardyń qatarynda ǵımarattardyń opyrylýy men sý basý oqıǵalary bar.
Jergilikti buqaralyq aqparat quraldarynyń málimetinshe, Haıber-Pahtýnhva provıntsııasyndaǵy Ońtústik Vazırıstan aýdanynda nóserden turǵyn úıdiń shatyry opyrylyp, bir otbasynyń tórt múshesi mert bolǵan.
Gýdjarat provıntsııasynda da qolaısyz aýa raıynyń saldarynan bir adam qaza tapty.
Pákistannyń Tabıǵı apattardyń zardaptaryn joıý jónindegi ulttyq basqarmasy 21–24 shilde aralyǵynda el aýmaǵynda kenetten bolatyn sý tasqyny men kóshkin júrý qaýpi bar ekenin eskertti.
Maýsymnan qyrkúıekke deıin Ońtústik Azııaǵa keletin mýssondyq jaýyn jyl saıyn óńirde aýqymdy tabıǵı apattarǵa sebep bolady. Ásirese Úndistan men Pákistanda mundaı qubylystar jıi qaıtalanady.
Buǵan deıin habarlaǵanymyzdaı, Pavlodar oblysynda daýyldan 49 turǵyn úı búlindi.
