Pákistandaǵy mýsson jaýynynan qaza tapqandar sany 299 adamǵa jetti
ASTANA. KAZINFORM — Pákistanda maýsym aıynan beri jalǵasyp kele jatqan kúshti mýsson jaýyny saldarynan qaza tapqandar sany 299 adamǵa jetti, dep jazdy Anadoly.
Apat maýsymnyń sońynan beri jalǵasyp keledi, kóz jumǵandardyń 140-y – balalar.
PTV News memlekettik telearnasy Pákistannyń Tabıǵı apattarǵa qarsy ulttyq basqarmasyna (NDMA) silteme jasaı otyryp habarlaǵandaı, 26 maýsymnan bastap jaýǵan nóser jaýyn men sý tasqyny saldarynan 299 adam, onyń ishinde 140 bala qaıtys bolǵan, taǵy 715 adam túrli jaraqat alǵan.
Basqarmanyń málimetinshe, tabıǵı apat áser etken óńirlerde 1676 úı zaqymdanǵan, olardyń 562-si tolyǵymen qıraǵan. Apat aımaqtarynan 2889 adam evakýatsııalandy, zardap shekken óńirlerde gýmanıtarlyq operatsııalar jalǵasyp jatyr.
Buǵan deıin, 28 shildede NDMA jaýyn-shashyn saldarynan 279 adamnyń qaza taýyp, 676 adamnyń jaraqat alǵanyn habarlaǵan bolatyn.
Maýsym men qyrkúıek aralyǵynda Ońtústik Azııaǵa jyl saıyn keletin mýssondyq nóser jaýyndar jıi iri tabıǵı apattar men qaıǵyly oqıǵalarǵa sebep bolady.
Al Úndistanda mýsson maýsymynda 2300-den astam adam qaza bolsa, Nepalda mýsson maýsymynda 43 adam kóz jumdy.