Pákistandaǵy mýsson jaýyny saldarynan qaza bolǵandar sany 111 adamǵa jetti
ASTANA. KAZINFORM – Pákistanda maýsym aıynyń sońynda bastalǵan mýsson jaýyny tolastar emes. Onyń saldarynan alapat sý tasyp, osy ýaqytta keminde 111 adam qurban boldy. Bul týraly Pákistannyń Ulttyq tabıǵı apattardyń saldaryn joıý basqarmasy málim etti, dep habarlaıdy Anadoly.
Jaýynan ásirese Haıber-Pahtýnhva, Shyǵys Pendjab, Sınd pen Belýdjıstan qatty zardap shekti. Sońǵy 48 saǵatta nóser jaýyn men onyń saldarynan bolǵan sý tasqynynan taǵy 7 adam mert bolyp, 1 adam jaraqat aldy.
26 maýsym men 14 shilde aralyǵynda zardap shekkender sany 212 adamdy qurady.
Pákistannyń Ulttyq tabıǵı apattardyń saldaryn joıý basqarmasy jaqyn arada jaýyn kúsheıýi múmkin ekenin eskertip, jergilikti bılik ókilderin jaǵdaıǵa barynsha daıyn bolýǵa shaqyrdy.
Mýsson jaýyndary ádette Pákistanǵa shilde men qyrkúıek aıynda kóp jaýady. Onyń saldarynan jyl saıyn júzdegen adam mert bolyp, eldiń ınfraqurylymy men aýyl sharýashylyǵyna zor nuqsan keledi.
Osyǵan deıin Pákistandadaǵy jaýyn saldarynan 98 adam qaza taýyp, 185 adam jaraqat alǵany týraly jazdyq.