Pákistandaǵy mýsson jaýyny: qaza tapqandar sany 72-ge jetti

ISLAMABAD. KAZINFORM – Pákistan aýmaǵynda tolassyz mýsson jańbyrynan bolǵan sý tasqynynan qaza tapqandar sany 72 adamǵa jetti. Bul týraly Tabıǵı apattarmen kúres jónindegi ulttyq basqarma (NDMA) málimdedi, dep jazady Anadolu.

Vedomstvo málimetinshe, jaýyn-shashyn Haıber-Pahtýnhva, Shyǵys Pendjab, Sınd jáne Belýdjıstan provıntsııalarynda jalǵasyp jatyr. 130-dan astam adam túrli jaraqat alǵan.

NDMA taratqan málimdemede aldaǵy kúnderi jaýyn-shashyn kúsheıip, qaýip artýy múmkin ekeni aıtylyp, jergilikti bılik organdaryna joǵary daıyndyq rejıminde bolý eskertilgen.

Aıta keteıik, Pákistanda shilde men qyrkúıek aralyǵynda jyl saıyn bolatyn mýsson jańbyrlary júzdegen adamnyń ómirin jalmaıdy jáne aýqymdy materıaldyq shyǵyn keltiredi.

Buǵan deıin Pákistanda 26 maýsymnan beri jalǵasyp jatqan mýsson jańbyry men sý tasqynynan 66 adam qaza taýyp, 127 adam jaraqat alǵanyn jazǵan edik.