Pákistandaǵy qaqtyǵysta 4 áskerı qyzmetker qaza tapty
ASTANA. KAZINFORM – Pákistan armııasy alty shabýyldaýshynyń kózin joıdy. Bul týraly Anadoly agenttigi jazdy.
Haıber-Pahtýnhva provıntsııasynda bolǵan qaqtyǵys kezinde 4 áskerı qyzmetker men 6 shabýyldaýshy qaza tapty.
Pákistan armııasynyń habarlaýynsha, áskerıler men shabýyldaýshylar arasyndaǵy qaqtyǵys Ońtústik Vazırıstan aımaǵynda órshigen.
Pákistan armııasy shabýyl jasaǵandardyń qaı uıymnyń múshesi ekeni týraly aqparatpen bólisken joq.
Bıyl Haıber-Pahtýnhva men Belýdjıstan provıntsııalarynda shabýyldar kóbeıgen.
Islamabad bul shabýyldardy Aýǵanstanda ornalasqan pákistandyq tálipter josparlap, uıymdastyrdy dep málimdep otyr. Al, Aýǵanstan bul aıyptardy joqqa shyǵardy.
Aıta keteıik, AQSh-ta Trampty óltirýge tapsyrys berdi degen kúdikpen Pákistan azamaty ustalǵan edi. Sondaı-aq Pákistandaǵy sý tasqyny eki kúnde 35 adamnyń ómirin qıdy.
