Pákistanda jol apatynan keminde 11 adam qaza taýyp, taǵy 10 adam jaraqat aldy

ASTANA. KAZINFORM — Qaıǵyly oqıǵa jeksenbi kúni tańerteń Pákistannyń ońtústigindegi Sınd provıntsııasyndaǵy Ulttyq tasjolda bolǵan, dep habarlaıdy Sınhýa.

1122 qutqarý qyzmetiniń málimetinshe, apat Haırpýr okrýginde tirkelgen.

Shyǵystaǵy Pendjab provıntsııasynan ońtústiktegi portty qala Karachıǵa baǵyt alǵan jolaýshylar avtobýsy beton balkalar tıegen tirkememen soqtyǵysqan.

Qaza tapqandardyń arasynda toǵyz jolaýshy, júrgizýshi jáne kondýktor bar.

Marqumdardyń máıitteri men jaraqat alǵandar jaqyn mańdaǵy aýrýhanaǵa jetkizildi.

Osyǵan deıin aqpan aıynyń basynda Pákistan astanasy Islamabadtaǵy sheıitter meshitiniń mańynda bolǵan jarylystan kem degende 31 adam qaza tapqany anyqtaldy.