Pákistanda jarylys saldarynan eki turǵyn qaza taýyp, on adam jaraqat aldy

Pákistannyń soltústik-batysyndaǵy Haıber-Pahtýnhva provıntsııasynda lańkes uıymdastyrǵan jarylys saldarynan eki beıbit turǵyn qaza taýyp, taǵy 10 adam jaraqat aldy. Bul týraly dúısenbide Qoǵammen baılanys jónindegi vedomstvoaralyq qyzmet málim etti. Kazinform bul týraly Sınhýa aqparat agenttigine silteme jasap habarlaıdy. 

Oqıǵa jeksenbi kúni Banný okrýginde bolǵan. Lańkes ózin qaýipsizdik kúshteriniń kólik tizbegi janynda jaryp jibergen.

Jaraqat alǵan jeti azamattyq tulǵa men úsh sarbaz jaqyn mańdaǵy aýrýhanaǵa jetkizildi.

Oqıǵa bolǵan aýdanda júrýi múmkin basqa lańkesterdi joıý operatsııasy ótkizilip jatyr.