Pákistanda jarylys bolyp, 4 adam jaraqat aldy

ISLAMABAD. KAZINFORM – Pákistannyń soltústik-batysyndaǵy Haıber-Pahtýnhva provıntsııasynda juma kúni bolǵan shabýylda 4 adam, onyń ishinde eki polıtsııa qyzmetkeri jaralanǵan. Bul týraly jergilikti polıtsııa málimdedi, dep habarlaıdy Sınhýa agenttigi. 

Oqıǵa provıntsııanyń ortalyǵyndaǵy Peshavar qalasynda bolǵan. Peshavar polıtsııasynyń aıtýynsha, shabýylshylar jol jıeginde turǵan polıtsııa kóligin jaryp jibergen.

Shaýbyl kezinde polıtsııanyń jedel áreket etý toby adamdar kóp júretin qala ortalyqtarynda patrýldik qyzmette bolǵan. Zardap shekkender, onyń ishinde polıtsııa kóligi jarylǵanda qasynda turǵan eki adam jaqyn mańdaǵy aýrýhanaǵa jetkizilgen, olardyń jaǵdaıy qalypty.

Ázirge eshbir top shabýyldy óz moınyna alǵan joq.

Aıta keteıik, jýyrda ǵana Pákistanda bolǵan qaqtyǵysta 4 áskerı qyzmetker qaza tapqan edi.