Pákistanda toıǵa bara jatqan avtobýs ózenge qulap, 22 adam qaza tapty
ISLAMABAD. KAZINFORM – Pákistannyń soltústiginde toıǵa bara jatqan avtobýs ózenge qulap, kem degende 22 adam qurban bolǵan. Bul týraly eldiń qutqarý qyzmeti habarlady, dep jazady Dawn.
Gılgıt-Baltıstannyń Dıamer aýdanynda úılený toıyna adamdardy tasymaldaǵan avtobýs ózenge qulap ketkeni habarlandy. Іzdeý kezinde toıy bolǵaly turǵan kelin tiri tabylǵan, ol túrli jaraqattarmen aýrýhanaǵa jatqyzylǵan.
Sýǵa ketkenderdiń arasynda áıelder de bar. Polıtsııa qyzmetkeri ózennen 16 máıit shyǵarylǵanyn, izdeý jumystary jalǵasyp jatqanyn aıtty.
Pákistan prezıdenti Asıf Alı Zardarı qaza bolǵandardyń otbasy múshelerine kóńil aıtty.
Málimetterge sáıkes, jol-kólik oqıǵasy bolǵan aýmaqta oqys oqıǵalar jıi oryn alady. Qolaısyz aýa-raıy, qıylystar, kedir-budyr joldar, keptelister men mınımaldy jol qozǵalysy erejeleri apat qaýpin arttyrady.
Aıta keteıik, birer kún buryn Pákistannyń ońtústik-batysyndaǵy Belýdjıstan provıntsııasyna qarasty Kvette temirjol stantsııasynda jarylys uıymdastyrylyp, keminde 25 adam kóz jumǵan bolatyn.
