Pákistanda súnıtter men sheıitter qaqtyǵysyp, 33 adam mert boldy

ASTANA. KAZINFORM – Pákistanda súnıtter men sheıitter arasynda qaqtyǵys bastaldy. Bul jaıynda Times of India jazdy.

Basylymnyń málimetinshe, Haıber-Pahtýnhva ólkesine qarasty Kýrram aýdanynda oryn alǵan qaqtyǵys saldarynan 33 adam mert bolyp, ondaǵan adam jaralanǵan. Súnıt pen shıit toptarynyń qarýly sodyrlary bir-birimen atysyp, úılerdi, dúkender men dúńgirshekterdi órtep jatyr.

Osydan birneshe kún buryn shıit musylmandary mingen kólik kolonasyna belgisiz bireýler oq jaýdyryp, 42 adamdy jer jastandyrǵan bolatyn. Al dinaralyq qandy qaqtyǵystyń oryn alýyna súnıt pen shıit jamaǵaty arasynda shildede bastalǵan jer daýy túrtki bolyp otyr.

Eske salsaq, 9 qarashada Pákistannyń Belýdjıstan provıntsııasynda ornalasqan Kvetta qalasyndaǵy temirjol vokzalynyń janynda jarylys boldy.  Saldarynan 25 adam qaıtys boldy, taǵy 62 adam zardap shekti.