Pákistanda shabýyldan 11 polıtsııa qyzmetkeri qaza tapty
ASTANA. KAZINFORM — Pákistannyń soltústik-batysynda qarýly adamdardyń shabýylynan 11 polıtseı qaza taýyp, taǵy 12-si jaraqat aldy, dep habarlaıdy Anadolu.
Oqıǵa Haıber-Pahtýnhva provıntsııasynyń Kohat aýdanynda bolǵan. Belgisiz adamdar altyndy zańsyz óndirýge qarsy operatsııaǵa bara jatqan polıtseılerge oq atqan.
Jergilikti polıtsııa ókili Muhammad Naýman Zebtiń aıtýynsha, shabýyldaýshylar 5 qyzmettik kólikti de órtep jibergen.
Sońǵy aılarda aımaqta quqyq qorǵaý organdary qyzmetkerlerine jasalatyn shabýyldar jıilegeni atap ótildi.
Halyqaralyq ACLED monıtorıng uıymynyń málimetinshe, Pákistanda terrorıstik shabýyldar sany tórt esege jýyq artqan. Atap aıtqanda, 2022 jyly 658 shabýyl tirkelse, 2025 jyly olardyń sany 2 425-ke jetken.
Osyǵan deıin Ispanııada jarylys bolyp, polıtsııa qyzmetkeri qaza tapqan bolatyn. Taǵy bir tártip saqshysy aýyr jaraqat aldy.
