Pákistanda polıtsııa bólimshesi mańyndaǵy jarylystan 14 adam kóz jumdy
ASTANA. KAZINFORM — Pákistannyń soltústik-batysyndaǵy Haıber-Pahtýnhva provıntsııasynyń Svat okrýginde polıtsııa bólimshesi mańynda bolǵan jarylystan 14 adam qaza tapty. Taǵy 24 turǵyn jaraqat aldy, dep habarlaıdy Anadolu agenttigi.
Jergilikti bıliktiń málimetinshe, jankeshti polıtsııa bólimshesiniń aýmaǵyna kirmek bolǵan. Polıtsııa qyzmetkerleri ony toqtatqan soń ol ózine taǵylǵan jarylǵysh qurylǵyny iske qosqan.
Qaza tapqandardyń arasynda polıtsııa qyzmetkerleri de, beıbit turǵyndar da bar.
Jarylys kezinde polıtsııa bólimshesiniń mańynda beıbit narazylyq aktsııasy ótip jatqan. Aktsııaǵa qatysýshylardyń birazy zardap shekti.
Ázirge shabýyl úshin jaýapkershilikti eshbir top óz moınyna alǵan joq. Oqıǵaǵa baılanysty tergeý bastaldy.
Aıta keteıik, Pákistanda bıyl sodyrlarǵa qarsy 40 myńnan astam arnaıy operatsııa júrgizilip, 2 084 sodyrdyń kózi joıyldy.
