Pákistanda mektep shatyry opyrylyp, 34 oqýshy men muǵalim mert boldy
ASTANA. KAZINFORM- Pákistannyń soltústik-batysyndaǵy Peshavar qalasynda jekemenshik mekteptiń shatyry opyrylyp, qaza tapqandar sany 35 adamǵa jetti. Olardyń 34-i – oqýshylar, bireýi – muǵalim, dep habarlaıdy Kazinform agenttigi TASS-qa silteme jasap.
Geo TV telearnasynyń málimetinshe, qutqarý operatsııasy shamamen bes saǵatqa sozylǵan. Qaza tapqan oqýshylardyń basym bóligi 13 jasqa tolmaǵan. Taǵy 45 adam jaraqat aldy.
ARY News telearnasynyń habarlaýynsha, qaıǵyly oqıǵaǵa ǵımaratty salý kezinde jiberilgen qatelikter sebep bolǵan. Oqý ornynyń ıesi ustaldy. Ol oqıǵanyń bolǵanyn jańbyrly aýa raıymen baılanystyrady.
Osyǵan deıin Pákistanda kómir shahtasy opyrylyp túsip, kenshiler kóz jumǵany týraly jazdyq.
