Pákistanda kómir shahtasy opyrylyp túsip, kenshiler kóz jumdy
ASTANA. KAZINFORM — Pákistannyń ońtústik-batysyndaǵy Belýdjıstan provıntsııasynda kómir shahtasy opyrylyp tústi, Saldarynan 9 adam kóz jumdy.
Report agenttiginiń habarlaýynsha, apatqa metan gazynyń jarylysy sebep bolýy múmkin.
Oqıǵa kezinde jerdiń astynda 42 kenshi bolǵan. Qutqarýshylardyń málimetinshe, olardyń jartysy áli de úıindi astynda qalǵan.
Eske salaıyq, Qytaıdyń soltústigindegi kómir shahtasyndaǵy apattan 82 adam qaza taýyp, 9 adam iz-túzsiz joǵalǵan bolatyn. Shahtadaǵy jarylystan keıin eki laýazymdy tulǵaǵa qatysty tergeý bastaldy.
Sondaı-aq elimizde Jezqazǵan kenshileri shahtadaǵy qural-jabdyqtyń tozǵanyn aıtyp shaǵymdandy.
