Pákistanda elshiler kortejin alyp júrgen polıtsııa kóligi jaryldy
ASTANA. KAZINFORM – Pákistanda 12 memlekettiń elshileri otyrǵan kortejdi alyp júrgen polıtsııa kóligi mınaǵa tap bolyp, jaryldy, dep habarlaıdy 24kz.
Dıplomattardyń arasynda Qazaqstan elshisi de bolǵan. Abyroı bolǵanda, olar din aman. Alaıda úsh polıtsııa qyzmetkeri jaraqat alyp, bireýi qaza tapty.
Syrtqy ister mınıstrliginiń resmı ókili Aıbek Smadııarovtyń aıtýynsha, delegatsııa ókilderi Islamabadqa oraldy. Olar Islamabad qalasynyń saýda-ónerkásip palatasy uıymdastyrǵan týrızm jónindegi konferentsııaǵa qatysý úshin Svat qalasyna baǵyt alǵan edi.
Eske salsaq, Irannyń Tabas qalasyndaǵy kómir shahtasynda metannyń aǵýy saldarynan kúshti jarylys boldy.
Kóp uzamaı Iranda kenishtegi jarylystan kóz jumǵandar sany 51 adamǵa jetkenin jazǵan bolatynbyz.
