Pákistanda denge bezgeginen kóz jumǵandar sany 36-ǵa jetti

ASTANA. KAZINFORM — Pákistannyń ońtústigindegi Sınd provıntsııasynda taǵy úsh adam denge bezgeginen qaıtys boldy, dep jazdy Sınhýa agenttigi.

Agenttiktiń dereginshe, aýrýdan kóz jumǵandardyń jalpy sany 36-ǵa jetkenin jergilikti densaýlyq saqtaý departamenti habarlaǵan.

Departament málimetine sáıkes, 50 jastaǵy er adam men 80 jastaǵy áıel Haıdarabadta qaıtys bolǵan, al 55 jastaǵy áıel Qarachıde kóz jumdy.

Atalmysh kezeńde barlyǵy 5229 test júrgizilgen, onyń 774-inde vırýstyń bar ekeni anyqtalǵan, dep habarlady departament ókilderi. Sol ýaqytta Sınd provıntsııasynyń aýrýhanalaryna 180-nen astam naýqas jatqyzylǵan, al 191 naýqas saýyǵyp, aýrýhanadan shyǵarylǵan.

Buǵan deıin týrıster Maldıv araldarynda denge bezgeginiń taralýyna shaǵymdanǵan bolatyn.