Pákistanda daýyl soǵyp,19 adam kóz jumdy
ASTANA.KAZINFORM - Pákistannyń 20 mıllıonnan astam turǵyny bar Karachı qalasyna nóser jańbyr jaýyp, daýyl soqty. Saldarynan keminde 19 adam qaza taýyp, kóptegen adam jaraqat aldy, dep habarlaıdy Euronews.
Qolaısyz aýa raıy kezinde úılerdiń shatyrlary men qabyrǵalary qulap, aǵashtar men jarnama qalqandary qulatylǵan.
Tolassyz jaýǵan jańbyr qalanyń birqatar aýdanynda sý tasqynyn týyndatty. Kósheler sý astynda qalyp, kólik qozǵalysy men jedel qyzmetterdiń jumysy qıyndady.
Qutqarýshylar úıindilerdi arshyp, úıindi astynda taǵy da zardap shekkender bolýy múmkin degen boljammen izdeý jumystaryn júrgizip jatyr.
Jergilikti bılik turǵyndardy qaýipsizdik úshin úılerinen shyqpaýǵa shaqyrdy.
Aıta ketelik Aýǵanstan Pákistandy Kabýldaǵy 400 adamnyń qazasy úshin aıyptady.