Pákistanda daýyl saldarynan 10 adam qaza taýyp, ondaǵan adam jaraqat aldy

ASTANA. KAZINFORM — Pákistannyń halqy tyǵyz ornalasqan Pendjab provıntsııasynda daýyl boldy, dep habarlaıdy Report. 

Daýyl kezinde eski jáne qaraýsyz qalǵan ǵımarattardyń opyrylýy saldarynan 10 adam qaza taýyp, taǵy 45 adam jaraqat alǵan.

Tabıǵı apat birqatar qalalarǵa aıtarlyqtaı zııan keltirgeni atap ótildi. Pendjab provıntsııasynyń Djelým, Lahor, Ravalpındı, Sheıhýpýra, Nankana Sahıb, Sıalkot jáne Mıanvalı qalalary tabıǵı apattan eń kóp zardap shekti. Lahordyń kóptegen aýdanynda qatty jel aǵashtardy julyp, kóptegen úıge, dúkenderge jáne kólikterge zaqym keltirdi.

Memlekettik organdardyń ókilderi marqumdardyń otbasylaryna materıaldyq kómek kórsetiletinin aıtty. Karachıden Lahorǵa ushatyn FL-842 jekemenshik áýe kompanııasynyń samolety qoný kezinde daýylǵa tap boldy. Qatty jeldiń saldarynan qonýǵa múmkindigi bolmaǵan ushaq qaıtadan áýege kóterilip, Karachıge oraldy.

Pendjabta tótenshe jaǵdaı jarııalandy. Bılik daýyldan zardap shekken aımaqtarda shuǵyl sharalar qabyldaýdy buıyrdy.

Eske sala keteıik, Pákistanda jankeshti mektep avtobýsyn jaryp jiberdi.