Pákistanda avtobýs jardan qulap, 28 adam qaıtys boldy

ASTANA. KAZINFORM – Pákistanda avtobýs apatynan kem degende 28 adam qaza taýyp, 20-ǵa jýyq adam jaraqat aldy. Bul týraly «The Daily Pakistan» gazeti habarlady.

Anyqtalǵandaı, avtobýs Gvadardan Kvettaǵa baǵyt alǵan. Aldyn ala málimet boıynsha, jol júrý kezinde dońǵalaqtarynyń biri jarylyp, júrgizýshi avtobýsty basqara almaı qalǵan. Avtobýs qatty jyldamdyqpen kele jatyp, joldan shyǵyp ketken jáne saıǵa qulaǵan.

Jergilikti BAQ jartas túbindegi avtobýs qaldyqtaryn kórinetin sýretterdi jarııalady. Polıtsııa avtobýs júrgizýshisi qaza tapqanyn aıtty.

Qazir tótenshe jaǵdaılar qyzmeti oqıǵa ornynda, qutqarý jumystary jalǵasyp jatyr.