Pákistanda avtobýs jarǵa qulap, 20 adam qaza tapty

ASTANA. KAZINFORM – 3 mamyr kúni tańerteń Pákistannyń qıyr soltústiginde avtobýs jarǵa qulap, 20 jolaýshy qaza tapty. Bul týraly Asharq Al-Awsat basylymy habarlady.

Taǵy 21 adamnyń qutqarylyp, aýrýhanaǵa jatqyzylǵany atap ótildi. Avtobýs Pákistannyń shyǵysyndaǵy Pendjab provıntsııasynyń taýly aımaǵynda kele jatqan.

«Úkimet zardap shekkenderdiń barlyǵyn evakýatsııalaý úshin dereý qutqarý operatsııasyn bastady. Qazirgi ýaqytta olar aýrýhanaǵa jatqyzyldy», — dedi jergilikti bılik ókili Faızýllo Fırak.

Basylymnyń habarlaýynsha, mundaı adam ólimine ákeletin oqıǵalar Pákistannyń qoldanystaǵy jol erejelerine durys saqtamaıtyn jáne joldardyń jaǵdaıy nashar aýyldyq jerlerinde jıi oryn alady.

Sonymen qatar, bul elde álemdegi eń bıik taý jotalary bar. Onda qoǵamdyq kólikter de tik jartastardyń boıyndaǵy tar joldarmen júredi.