Pákistanda avtobýs apatynan 17 adam qaza tapty

PÁKІSTAN. KAZINFORM – Pákistannyń ońtústik-batysynda avtobýs aýdarylyp, saldarynan 17 adam qaza taýyp, taǵy 16 adam jaraqat aldy. Bul týraly Anadolu agenttigi jazdy. 

«Belýdjıstan provıntsııasynyń Lasbela aýdanynda avtobýs saıǵa qulady», - dep habarlady úkimet ókili Shahıd Rınd. 

Onyń aıtýynsha, zardap shekkender Sınd provıntsııasyndaǵy aýrýhanalardyń birine jatqyzylǵan, olardyń 15-iniń jaǵdaıy aýyr.

Belýdjıstan premer-mınıstri Sarfraz Býgtı jol-kólik oqıǵalary saldarynan qaza tapqandardyń kóptigine ókinish bildirdi.