Pákistanda 4,9 baldyq jer silkinisi tirkeldi
ASTANA. KAZINFORM – Qazaqstandyq seısmologter Pákistan aýmaǵyndaǵy jer silkinisin tirkedi. Bul týraly Kazinform agenttigi Qazaqstannyń Ulttyq derekter ortalyǵyna silteme jasap habarlaıdy.
Ortalyqtyń jedel málimetine sáıkes, jerasty dúmpýi 25 tamyzda Astana ýaqytymen saǵat 06:18-de, Grınvıch ýaqytymen 01:18-de bolǵan.
Onyń epıtsentri 34,13° soltústik endik pen 70,11° shyǵys boılyqta ornalasqan. Jer silkinisi 35 shaqyrym tereńdikte tirkelip, energetıkalyq klasy K=13,6, magnıtýdasy 4,9 dep baǵalandy.
Aıta keteıik, buǵan deıin 24 tamyzda Astana ýaqytymen saǵat 19:31-de Shyǵys Qazaqstan oblysynda da jer silkinisi tirkelgen.
