Pákistan vokzalynda jarylys bolyp, keminde 25 adam kóz jumdy

ASTANA. KAZINFORM – Pákistannyń ońtústik-batysyndaǵy Belýdjıstan provıntsııasyna qarasty Kvette temirjol stantsııasynda jarylys uıymdastyrylyp, keminde 25 adam kóz jumdy, taǵy ondaǵan adam jaraqat alǵan, dep habarlaıdy BBC.

Jarylys Peshavar qalasyna barýy tıis jolaýshylar toly quram jolǵa shyǵa salasymen bolǵan. Áleýmettik jelide beınebaqylaý kameralaryna túsip qalǵan platformadaǵy jarylystyń vıdeolary tarap jatyr.

Jarylysty Belýdjıstandy aza etý armııasynyń sodyrlary moınyna aldy. Bul AQSh, Brıtanııa, Eýroodaqtyń birqatar elin qosa alǵanda lańkes dep tanylǵan uıym.

Keıingi kezde atalǵan uıymnyń sarbazdary provıntsııada birneshe joıqyn jarylystar uıymdastyrǵan.

Olardyń talaby – 15 mıllıonǵa jýyq adam turatyn Belýdjıstannyń táýelsizdigin moıyndatý jáne osy óńirdiń resýrstaryn tolyq baqylaýyna alý.

Kvetta polıtsııasy bombany jarǵan jankeshti mert bolǵan adamnyń tiziminde, al jaraqat alǵandardyń sany 50-diń shamasynda ekenin jetkizdi.

Aǵa polıtsııa sardary Mýhammad Baloh BBC tilshisimen bolǵan áńgime barysynda jarylǵysh zattyń qýaty shamamen 6-8 kg ekenin jetkizdi. Al qurban bolǵandardyń arasynda beıbit turǵyndar men áskerıler bar. Polıtsııa qurban bolǵan áskerılerdiń sany 14 ekenin anyqtady.

Osyǵan deıin Mozambıkte bir aıdan beri úkimetke qarsy narazylyqtar toqtamaı jatqanyn jazdyq.