Pákistan SІM otandastarynyń jaǵdaıyn bilý úshin Bishkekke bardy
BІShKEK. KAZINFORM - Pákistan Premer-mınıstriniń orynbasary – Syrtqy ister mınıstri Mohammad Ishak Dar qysqa merzimdi saparmen Qyrǵyzstanǵa keldi. Bul týraly Kabar jazdy.
Sapar barysynda Syrtqy ister mınıstrliginiń basshysy Qyrǵyz Respýblıkasynyń medıtsınalyq mekemelerinde tıisti em qabyldap jatqan otandastaryna barýdy, sondaı-aq el basshylyǵymen kelissózder júrgizýdi josparlap otyr.
Eske sala keteıik, Bishkekte 13 mamyrda hostel qonaqtary arasyndaǵy tóbelesten bastalǵan shıelenisti jaǵdaıdyń sońy jappaı tártipsizdikke ulasty.
Pákistan premer-mınıstri Shahbaz Sharıf Qyrǵyz Respýblıkasynyń astanasynda bolǵan sheteldik azamattarǵa qatysty oqıǵany basa nazarda ustap otyrǵanyn aıtty.
Qyrǵyz Respýblıkasynyń Mınıstrler kabıneti Bishkektegi túngi oqıǵaǵa baılanysty málimdeme jasap, ondaǵy etnıkalyq alaýyzdyq pen tártipsizdik týdyrý áreketterin qatań aıyptady.
Qyrǵyz Respýblıkasynyń prezıdenti Sadyr Japarov 17-18 mamyrda Bishkekte bolǵan oqıǵa boıynsha qyrǵyzstandyqtarǵa beıneúndeý jasady.
