Pákistan óz aýmaǵynda áýe keńistigindegi shekteýdiń kóbin alyp tastady
ASTANA. KAZINFORM – Pákistanda Azamattyq avıatsııa basqarmasy (CAA) negizgi baǵyttar boıynsha áýe qatynasy qalpyna keltiriletinin jarııalady, bul rette birneshe baǵyt taǵy 24 saǵatqa jabyq bolady, dep habarlaıdy Dawn.
Basqarma buǵan deıin seısenbi kúni keshke Úndistan men Pákistan arasyndaǵy áskerı qaqtyǵystan keıin Pákistannyń áýe keńistigin tolyǵymen jabý týraly habarlaǵan bolatyn. Áýe keńistigi bastapqyda 48 saǵatqa jabylyp, barlyq reıster toqtatyldy, al jolaýshylarǵa úılerine qaıtýǵa keńes berildi.
Pákistan men Úndistan arasyndaǵy áskerı qaqtyǵys sársenbi kúni túngi saǵat 1-den keıin Úndistan Pákistannyń Pendjab jáne Azad Djammý men Kashmırdegi alty nysanyna áýe shabýyldarynan keıin bastaldy. Shabýyl saldarynan 26 beıbit turǵyn qaza taýyp, 40-tan astamy jaraqat alǵan. Keıin Úndistannyń
Pákistanǵa jasaǵan áýe shabýylynan qaza tapqandar sany 31 adamǵa jetkeni belgili boldy.
Pákistan jaýap retinde Úndistannyń bes ushaǵyn atyp túsirgenin málimdedi. Úndistan bul málimdemeni joqqa shyǵaryp, soqqylar tek naqty nysanalarǵa baǵyttalǵanyn aıtty. Eki el de kóptegen qurbandar men zardap shekkender týraly habarlady.
Áskerı ókil general-leıtenant Ahmed Sharıf Chaýdhrıdiń aıtýynsha, jaýap retinde úndistandyq birneshe baqylaý-ótkizý pýnkti joıyldy. Keıinnen CAA Pákistannyń áýe keńistigi barlyq áýe kompanııalary úshin jabyq dep jarııalady.
Reuters málimetinshe, azııalyq birneshe áýe kompanııa qaqtyǵystarǵa baılanysty baǵyttaryn ózgertetinin nemese Eýropaǵa jáne odan shyǵatyn reısterdi toqtatatynyn málimdedi. Áýe kompanııalarynyń qtaryna Thai Airways, Vietnam Airlines jáne Taıvandaǵy China Airlines jáne EVA Air kirdi.
Air Astana kompanııasy Úndistan men Pákistan arasyndaǵy áýe keńistiginiń jabylýyna baılanysty Air Astana áýe kompanııasy 8 mamyrdaǵy Almaty — Delı — Almaty baǵytynda ushatyn ushaq ushpaıtynyn málim etti.
AQSh prezıdenti Donald Tramp Úndistan men Pákistan basshylyǵyna eki el áskerı kúsh qoldaný arqyly týyndaǵan shıelenisti eńserýge kómektesýge daıyn ekenin aıtty.