Pákistan men Aýǵanstan shekarasynda taǵy qaqtyǵys boldy

ASTANA. KAZINFORM – Shamamen tórt saǵatqa sozylǵan urys Aýǵanstannyń Kandagar provıntsııasyndaǵy shekaralas Spın Boldak qalasyna jaqyn jerde boldy, dep habarlaıdy Kazinform BBC-ge silteme jasap.

Basylymnyń atap ótýinshe, qaza tapqan 4 adamnyń denesi jergilikti aýrýhanaǵa jetkizildi. 

Pákistanda 3 adamnyń jaralanǵany habarlandy. 

Spın Boldaktan bir túnde bosqyndar tasqyny aǵylyp, kóptegen adamnyń jaıaý jáne kólikpen qashyp bara jatqany belgili boldy Kórshi aýyldardyń turǵyndary da qashyp jatyr. 

Esterińizge sala keteıik, keıingi 10 kúnde Pákistannyń áskerı-áýe kúshteri Aýǵanstan terrıtorııasyna (birden úsh shyǵys provıntsııaǵa) áýeden soqqy jasap, 10 beıbit turǵyndy óltirgen bolatyn.