Pákistan men Aýǵanstan shekarasynda qarýly qaqtyǵys boldy
ASTANA. KAZINFORM — Pákistan men Aýǵanstan shekarasynda qarýly qaqtyǵys boldy. Bul týraly aýǵan áskerı qyzmetkerleri habarlady, dep jazady BelTA.
Aýǵanstan qarýly kúshteriniń «Mansýrı» 203-armııalyq korpýsynyń resmı ókili Abdýl Hak Fıdanyń aıtýynsha, atys Paktııa provıntsııasynyń Dand-Patan aýdanynda, Kabýl moıyndamaıtyn ári eki eldiń shekarasy sanalatyn Dıýrand syzyǵy mańynda bolǵan.
Onyń málimdeýinshe, atysty alǵash bolyp Pákistan kúshteri bastaǵan. Qazir oqıǵa bolǵan aımaqtaǵy jaǵdaı turaqtalǵan.
Bıyl 26 aqpan kúni keshke Pákistan men Aýǵanstan shekarasynda urys qaıta bastalǵan edi. Kabýl muny Pákistannyń Aýǵanstan aýmaǵyna jasaǵan áýe soqqylaryna jaýap retinde júrgizilip jatqan áskerı operatsııa dep túsindirdi.
Pákistannyń qorǵanys mınıstri Havadja Asıf óz eli men Aýǵanstandaǵy tálipter úkimeti ashyq qarýly qaqtyǵys jaǵdaıynda ekenin málimdedi.
Aıta keteıik, qyrkúıek aıynyń sońynda Aýǵanstan Pákistannan kelgen 28 sodyrdyń kózin joıǵanyn málimdegen bolatyn.
