Pákistan Qyzyl teńizdegi kemege jasalǵan hýsıtter shabýylyn aıyptady
ASTANA.KAZINFORM - Álemdegi negizgi keme joldarynyń birinde bolǵan oqıǵa Ormýz buǵazy aınalasyndaǵy shıelenis jaǵdaıynda keme qatynasy qaýipsizdigine qatysty alańdaýshylyqty odan ármen kúsheıtti.
Pákistan Bab el-Mandeb buǵazy mańynda Iemen hýsıtteriniń «Tıhama» kommertsııalyq kemesine jasaǵan shabýylyn aıyptady. Shabýyl saldarynan úsh pákistandyq qaza tapty. Taǵy bir pákistandyq jaraqat aldy, dep málimdedi Pákistannyń syrtqy ister mınıstri Ishak Dar.
-Pákistan hýsıtterdiń kommertsııalyq kemege jasaǵan shabýylyn qatań aıyptaıdy. Mundaı shabýyldar beıkúná adamdardyń ómirine qaýip tóndiredi, halyqaralyq quqyqty buzady jáne Qyzyl teńizdegi keme qatynasy erkindigine, teńiz qaýipsizdigine jáne kommertsııalyq kólik qaýipsizdigine eleýli qater tóndiredi, - dedi Pákistannyń syrtqy ister mınıstri.
Islamabad oqıǵanyń mán-jaıyn anyqtaý úshin Saýd Arabııasymen jáne halyqaralyq deńgeıde tanylǵan Iemen úkimetimen baılanysta. Er-Rııadtaǵy Pákistan elshiligine marqumdardyń denelerin elge qaıtarýǵa jáne jaralanǵandarǵa kómek kórsetý tapsyryldy.
I have learnt with deep concern about the unfortunate incident involving an attack on a commercial vessel in the Red Sea. According to the information available so far, three Pakistani nationals have lost their lives and one has sustained injuries in the incident. We extend our…
— Ishaq Dar (@MIshaqDar50) August 12, 2026
Shabýyl seısenbi kúni Iemen jaǵalaýynda Bab el-Mandeb buǵazynda boldy. Iemenniń halyqaralyq deńgeıde tanylǵan úkimetiniń Kólik mınıstrliginiń málimeti boıynsha, Tıhama júk kemesi qatarynan úsh ballıstıkalyq zymyran soqqysyna ushyrap, bortynda órt shyqqan.
Iemen tarapy tórt ekıpaj múshesiniń – úsh Pákistan azamatynyń jáne bir Indonezııa azamatynyń qaza tapqanyn habarlady. Taǵy tórt teńizshi jaraqat aldy. Iemen jaǵalaý kúzeti keıinirek qutqarý operatsııasyna qatysqan eki adamnyń qaza tapqanyn habarlady.
Yemen’s coastguard on Tuesday said strikes by Houthis on a cargo vessel killed at least six people, including three Pakistani nationals and one Indonesian national, near the Bab al-Mandeb Strait off the country’s coast.
— TRT World (@trtworld) August 12, 2026
The coastguard from Yemen’s internationally recognised… pic.twitter.com/QneD9BuVs8
Hýsıtter «Tıhamaǵa» shabýyl jasaǵanyn tikeleı jarııalaǵan joq. «Ansar Allah» qozǵalysy baqylaýyndaǵy Saba aqparat agenttigi hýsıtter áskerı tehnıka tasymaldaǵan dep málimdegen Bab el-Mandeb buǵazynda Saýd Arabııasynyń kemesine shabýyl jasalǵanyn habarlady. Kemeniń ataýy kórsetilmedi.
Reuters agenttiginiń habarlaýynsha, eger «Tıhama» teńizshileriniń qazasy naqty hýsıtter shabýylynan bolǵany rastalsa, bul Iranǵa qarsy soǵys bastalǵannan bergi saýda kemesindegi ekıpaj músheleriniń hýsıtter shabýylynan qaza tapqan alǵashqy jaǵdaı bolaıyn dep tur.
Iemendegi qaıta jandanǵan qaqtyǵystarǵa baılanysty buǵaz aınalasyndaǵy shıelenis te kúsheıe tústi. Sońǵy kúnderi hýsıt kóterilisshileri úkimet baqylaýyndaǵy Mocha port qalasyna, sondaı-aq Marıb jáne Hadramaýt provıntsııalaryna shabýyl jasady.
Buǵan deıin Hýsıtter Iemen úkimeti kúshteriniń áskerı lagerlerine soqqy jasaǵan bolatyn.
