Pákistan qarýly kúshteri Aýǵanstanmen shekaradaǵy qaqtyǵystan 23 sarbazdyń mert bolǵanyn habarlady

ASTANA. KAZINFORM – Aýǵan áskerimen jáne buryn «Tehrık-ı-Talıban Pákistan» degen ataýmen tanymal «Fıtna al-Havarıdj» tobynyń sodyrlarymen bolǵan qaqtyǵys kezinde Pákistannyń 23 áskerı qyzmetshisi kóz jumdy. Bul týraly Islam Respýblıkasy áskeriniń qoǵammen baılanys jónindegi vedomstvoaralyq qyzmeti málim etti, dep habarlaıdy reseılik TASS.

-Túngi atys kezinde elin jaýdan qorǵaý jolynda Pákistannyń 23 áskerı qyzmetshisi mert bolyp, 29 sarbaz jaraqat aldy. Barlaý qyzmetiniń shyǵyndy baǵalaý jónindegi málimetterine sáıkes, «Pákistannyń talıbter qozǵalysy» uıymy men onymen baılanysty 200 sodyrdyń kózi joıyldy, jaraqat alǵandar áldeqaıda kóp,-delingen baspasóz baıanynda.

Sondaı-aq onda atalǵan jaǵdaı Pákistannyń burynnan aıtyp kele jatqan Aýǵanstan bıligi terrorshylarǵa belsendi qoldaý kórsetip kele jatqany jónindegi ustanymyn rastaıtyny aıtylǵan.

Osyǵan deıin Aýǵanstan men Pákistan shekarasynda qaqtyǵys bolyp jatqany týraly jazdyq.