Pákistan Dohada Aýǵanstanmen kelissóz júrgizýge nıetti ekenin málimdedi
ASTANA. KAZINFORM - Pákistannyń joǵary laýazymdy delegatsııasy eki tarap arasyndaǵy máselelerdi sheshý úshin Qatardyń astanasy Dohada Aýǵanstan ókilderimen kelissóz júrgizedi, dep habarlaıdy Sınhýa.
Pákistan Syrtqy ister mınıstrligi Qorǵanys mınıstri Havadja Asıf bastaǵan delegatsııa transshekaralyq terrorızmdi toqtatý jáne Pákistan-Aýǵan shekarasynda turaqtylyqty qalpyna keltirý sharalaryn qolǵa alatynyn málimdedi.
Sonymen qatar Pákistan Syrtqy ister mınıstrligi Qatardyń araǵaıyndyq talpynysyna rızashylyǵyn bildirdi jáne Islamabad kelissózder aımaqtaǵy beıbitshilik pen qaýipsizdikke yqpal etedi dep úmittenetinin atap ótti.
Keıingi kezderi Pákistan-Aýǵanstan shekarasyndaǵy shıelenis shekara mańyndaǵy atys pen sodyrlardyń áreketine baılanysty kúsheıe tústi.
Buǵan deıin Pákistan men Aýǵanstan atysty 48 saǵatqa toqtatýǵa keliskenin jazǵan bolatynbyz.