Pákistan delegatsııasy AQSh-pen kelissózderdi jalǵastyrý úshin Iranǵa keldi
ASTANA. KAZINFORM — Islamabadta ótken kelissózderden keıin Tegeran men Vashıngton arasyndaǵy baılanys deldaldar arqyly jalǵasyn tapty, dep habarlaıdy Kazinform agenttiginiń menshikti tilshisi.
Sársenbi kúni Pákistannyń joǵary deńgeıdegi delegatsııasy AQSh-pen kelissózder protsesin jalǵastyrý máselesin talqylaý úshin Iranǵa keldi. Buǵan deıin Islam respýblıkasy Syrtqy ister mınıstrliginiń resmı ókili Esmaıl Baǵaı jalǵasyp jatqan baılanystar aıasynda bul delegatsııany qabyldaýǵa daıyn ekenderin málimdegen bolatyn.
Iran's Foreign Minister Spokesman, Esmail Baghaei, confirms that a high-ranking Pakistani delegation will visit Tehran today to follow up on talks with the U.S. in Islamabad. "During this visit, the views of both sides are likely to be discussed in detail," Baghaei said. pic.twitter.com/bdMnyCKUA5
— Ariel Oseran أريئل أوسيران (@ariel_oseran) April 15, 2026
Onyń aıtýynsha, taraptar arasyndaǵy habar almasý demalys kúnderi Islamabadta ótken kelissózder aıaqtalǵannan keıin pákistandyq deldaldar arqyly jalǵasyp jatyr.
— Jeksenbi kúni ırandyq delegatsııa Tegeranǵa oralǵannan beri Pákistan arqyly birneshe habar almasý júzege asty, — dedi ol. — Búgin biz kelissózderdi jalǵastyrý aıasynda pákistandyq delegatsııany qabyldaýymyz múmkin.
Eske salaıyq, 12 sáýirde Pákistan astanasynda ótken AQSh pen Iran arasyndaǵy kelissózder naqty kelisimge qol jetkizilmeı aıaqtalǵan edi. Taraptar ıadrolyq baǵdarlama men soǵysty toqtatý sharttary sııaqty negizgi máseleler boıynsha kelise almady.
Habarlarǵa qaraǵanda, delegatsııany Pákistan armııasynyń qolbasshysy, feldmarshal Asım Mýnır bastap kelgen.
Field Marshal Syed Asim Munir, NI (M), HJ, #COAS & CDF of #Pakistan arrives in Tehran, #Iran
— Pakistan Armed Forces News 🇵🇰 (@PakistanFauj) April 15, 2026
COAS & CDF is welcomed by Foreign Minister Abbas Araghchi#AsimMunir #ISPR pic.twitter.com/B3mJuWOjkB
Al Jazeera málimetinshe, ol Iranǵa AQSh tarapynan joldanǵan habarlamalardy jetkizý jáne aldaǵy kúnderi Islamabadta ótýi múmkin kelissózderdiń jańa kezeńiniń parametrlerin úılestirý úshin kelgen.
Osy oraıda, AP jáne Reuters agenttikteriniń derekterine súıensek, deldaldar 22 sáýirde aıaqtalatyn qoldanystaǵy bitimdi uzartý baǵytynda jumys júrgizip, sondaı-aq Ormýz buǵazy, ıadrolyq baǵdarlama jáne áskerı shyǵyndardy óteý sııaqty negizgi máseleler boıynsha ymyraǵa kelýge talpynyp jatyr.
Al Reuters habarlaýynsha, AQSh bitim rejımin uzartýǵa resmı túrde kelisken joq.
Sonymen qatar, Tegeranda dıalogtyń áli de múmkin ekeni atap ótildi. Iran SІM málimdeýinshe, taraptardyń ustanymdary jetkizilip, nazarǵa alynǵan, al ýrandy baıytý deńgeıi men sıpaty máseleleri talqylaý taqyryby bolyp qala beredi.
Aıta keteıik, AQSh prezıdenti Donald Tramp Vashıngton men Tegeran arasyndaǵy qaqtyǵys aıaqtalýǵa jaqyn dep sanaıdy.
AQSh pen Iran arasyndaǵy kelissózder osy aptada qaıta jandanýy múmkin.
