Pákistan BUU Qaýipsizdik Keńesiniń shuǵyl otyrysyn ótkizýdi surady

ASTANA. KAZINFORM - Pákistannyń BUU-daǵy turaqty ókili Úndistanmen shıelenistiń kúsheıýine, Djammý men Kashmırdegi sońǵy oqıǵalarǵa jáne aımaqtyq qaýipsizdik máselelerine baılanysty álemdik uıymnyń Qaýipsizdik Keńesiniń shuǵyl otyrysyn ótkizýdi surady. Bul týraly Report aqparat agenttiginiń amerıkalyq bıýrosyna Pákistan mıssııasynyń ókili Amanat Álı aıtty. 

Onyń aıtýynsha, aımaqtyq jaǵdaıdyń nasharlaýy jáne Úndistan men Pákistan arasyndaǵy shıelenistiń kúsheıýi aıasynda, ásirese aımaqtyq jáne halyqaralyq beıbitshilik pen qaýipsizdikke úlken qaýip tóndiretin Djammý men Kashmırdegi jaǵdaıǵa baılanysty Pákistan BUU Qaýipsizdik Keńesiniń shuǵyl jabyq konsýltatsııalaryn ótkizýdi resmı túrde surady.
Pákistannyń BUU-daǵy turaqty ókili Asım Iftıhar Ahmed dúısenbi kúni tústen keıin Qaýipsizdik Keńesiniń otyrysynan keıin málimdeme jasaıdy.

Aıta keteıik, 22 sáýirde Úndistannyń baqylaýyndaǵy Djammý jáne Kashmır aımaǵynyń Pahalgam aýdanynda qarýly adamdardyń týrısterge oq jaýdyrýy saldarynan 26 adam qaza taýyp, birnesheýi jaralanǵan bolatyn.