Pákistan astanasy meshitindegi jarylystan qaza bolǵandar bar

ASTANA.KAZINFORM - Pákistan astanasy Islamabadtaǵy sheıitter meshitiniń mańynda bolǵan jarylystan kem degende 31 adam qaza tapty, dep habarlaıdy Kazinform agenttigi.

Polıtsııa taǵy shamamen 170 adamnyń jaraqat alǵanyn habarlady.

DW málimetinshe, qaıǵyly oqıǵa namaz kezinde bolǵan.

Jarylys meshittiń kireberisinde jasalǵan.

Kýágerlerdiń aıtýynsha, shabýyldaýshy qaýipsizdik kúshterine oq jaýdyryp, sodan keıin meshittiń ishindegi jarylǵysh beldigin jaryp jibergen.

Oqıǵa ornyna jedel járdem kólikteri jiberildi.

Tótenshe jaǵdaılar qyzmetiniń habarlaýynsha, jaralanǵandardyń kópshiligi aýyr halde.

Jergilikti Dawn gazetiniń málimetinshe, Islamabadtaǵy aýrýhanada tótenshe jaǵdaı jarııalandy.

Sońǵy jyldary Pákistannyń shekaralas aımaqtarynda zorlyq-zombylyq ekstremıstik shabýyldar sany artty. Mysaly, Islam memleketi (IM, Qazaqstanda tyıym salynǵan) terrorıstik toby Pákistan halqynyń shamamen 20 paıyzyn quraıtyn sheıitterge qarsy udaıy shabýyl jasaıdy. Alaıda, mundaı qaıǵyly oqıǵalar el astanasy men iri qalalarda sırek kezdesedi.

Buǵan deıin Irannyń birneshe qalasynda jarylys bolǵany habarlanǵan.