Pákistannyń soltústik-batysynda sel tasqyny saldarynan 100-ge jýyq adam opat boldy
ASTANA. Shildeniń 30-y. QazAqparat - Pákistannyń soltústik-batysynda nóser jaýynnan bolǵan seldi tasqynnyń saldarynan 100-ge jýyq adam qaza tapty, dep habarlaıdy VVS.
Arnasynan tasyǵan ózender birneshe derevnıany shaıyp ketti. Ondaǵan adamdar sýǵa batyp ketken, taǵy biraz adam úıindilerdiń astynda qalyp qoıyp nemese elektr togy soǵyp qaza tapqan.
Resmı tulǵalardyń habarlaýynsha, bul sońǵy 80 jyldaǵy eń úlken tasqyn bolyp otyr. Sınoptıkter bolsa, eldiń basym bóliginde nóser jaýynnyń áli joq degende taǵy bir táýlikke sozylatynyn boljap otyr.
