Pákistannyń soltústiginde úıdiń shatyry qulap, toǵyz adam mert boldy
ISLAMABAD. TASS-QazAqparat – Pákistannyń Gılgıt-Baltıstan aımaǵynda turǵyn úıdiń shatyry qulap, keminde toǵyz adam mert boldy. Bul týraly Doon gazeti jazdy, dep habarlaıdy QazAqparat TASS agenttigine silteme jasap.
Basylymnyń jazýynsha, oqıǵa jeksenbi kúni tańerteń aımaqtyń soltústik bóliginde ornalasqan Chılas qalasynda bolǵan. Oqıǵaǵa balshyqtan jasalǵan shatyrdyń tozyǵy jetkeni sebep bolǵan. Oqıǵa saldarynan segiz bala men bir áıel mert bolǵan. Basylym naqtylaǵandaı, eki saǵatqa sozylǵan izdeý-qutqarý jumystary kezinde olardyń deneleri úıindi astynan shyǵarylǵan.
Pákistan premer-mınıstri Shahbaz Sharıf Twitter arqyly qaza tapqandardyń otbasyna kóńil aıtty.
Foto: apa.az
