Pákistannyń Lahor qalasyndaǵy jarylystan 10 adam qaza boldy
ASTANA. QazAqparat - Pákistannyń Lahor qalasynda mıtıng kezinde jarylys boldy. Onnan astam adam mert bolyp, taǵy osynshama adam zardap shekti. Bul týraly Reuters agenttigi habarlady.
«Terakt jergilikti hımııa jáne farmatsevtıka ónerkásibi jumysshylarynyń sherýi kezinde oryn aldy. «Jankeshti ózin-ózi jaryp jibergen bolýy kerek, alaıda polıtsııa áli de tergeý jumystaryn júrgizip jatyr»,-dedi Pendjab Naıab Haıder provıntsııasynyń quqyq qorǵaý organynyń ókili.
Onyń sózinshe, eki joǵary shendi polıtsııa qyzmetkeriniń qurban bolǵany rastaldy.
Osy áreket úshin jaýapkershiliki moınyna «Talıbanmen» baılanysty bar «Djamaat-ýl-Ahrara» terrorıstik toby aldy.
Atalmysh uıym ókilderi 2016 jyldyń naýryzynda Lahor parkinde jarylys uıymdastyrǵan bolatyn. Ol ýaqytta terrorısterdiń kózdegeni hrıstıandar bolatyn. Jankeshti iske qosqan jarylǵysh zattyń saldarynan 70 adam kóz jumdy.
