Pákistannyń kórshileri saılaýdyń nátıjesin oń qabyldady
ASTANA. 13 mamyr. QazAqparat - Pákistannyń kóshbasshy kórshi memleketteri Islamabadtaǵy jańa úkimetke senim artatyndaryn bildirip otyr. Bılik basyna «Musylman lıgasynyń» kóshbasshysy Navaz Sharıf kelýi yqtımal.
Bıýlletenderdiń bir bóligin esepteý qorytyndysy jáne ekzıt-polldyń aqparyna sáıkes Sharıftyń partııasy aıtarlyqtaı daýysqa ıe bolǵan, olardyń birpartııaly kabınet qalyptastyrýǵa múmkindigi mol. Úndistannyń premer-mınıstri Manmohan Sınghtiń málimdeýinshe, Sharıf «aıqyn basymdyqpen jeńiske jetti». Ol óz sózinde pákistan-úndi qarym-qatynasynyń jańa baǵyty qalyptasatynyna úmit artatynyn aıtyp, «Musylman lıgasynyń» kóshbasshysyna Úndistanǵa sapar jasaýdy usyndy.
Aýǵanstan prezıdenti Hamıd Karzaı lańkester jasyrynatyn baspanasyn joıý baǵytynda Pákistanmen yntymaqtastyq ornaıtynyna óz úmitin bildirdi. AQSh prezıdenti Barak Obama pákistandyq saılaýdy eldiń demokratııalyq damýyndaǵy tarıhı kezeńge balady.
