Pákistannyń Irandaǵy elshisi alǵan soqqy saldarynan aýrýhanaǵa tústi

Bul týraly jergilikti telearnaǵa Irannyń syrtqy saıasat vedomstvosynyń resmı ókili Ramın Mehmanparast habarlady.

Ol pákistandyq dıplomattyń qazasy týraly aqparatty da, jáne onyń aýyr jaǵdaıy týraly aqparatty da teriske shyǵardy. «Shabýyl jasaýshynyń qolynda eshqandaı qarý bolmaǵan. Abbası soqqynyń saldarynan kishigirim dene jaraqattaryn alǵan. Qazirgi tańda onyń densaýlyǵy eshqandaı alańdaýshylyq týǵyzbaıdy», - dep atap kórsetti SІM ókili «Fars» agenttigine bergen suhbatynda.

Irandyq derekkózder sondaı-aq, «osy oqıǵanyń saldarynan dıplomattyń qasyna ergen eki adamnyń óltirilgeni týraly» arabtyń «Ál-Arabııa» telearnasy taratqan aqparatty da qýattaǵan joq. Jáne shabýyldyń avtokólikke jasalǵany týraly aqparat da teriske shyǵarylyp otyr. Irandyq derekózderdiń aıtýynsha, oqıǵa elshi jaıaý serýendep júrgen kezde bolǵan.

Mehmanparast, Irannyń Syrtqy ister mınıstrligi bolǵan oqıǵany úzildi-kesildi aıyptaıtynyn málim etti. Shabýyldy aýǵandyq azamattyń jasaǵany anyqtaldy. Ol ustaldy, eldiń quqyq qorǵaý organdary qazir tergeý amaldaryn júrgizýde.