Pákistandyq sarapshy Qazaqstanmen yntymaqtastyqty damytýdyń jańa múmkindikterin atady

ISLAMABAD. QazAqparat - Pákistan Strategııalyq zertteýler ınstıtýtynyń basshysy Halıd Mahmýd «QazAqparat» HAA-nyń Pákistandaǵy tilshisine eksklıýzıvti suhbat berdi.

- Aıta keteıin, týra bir apta buryn Qazaqstanda Astana Club-2017 sharalaryna qatysyp qaıtyp edim. Qazaqstan Prezıdenti Nursultan Nazarbaevtyń qatysýymen ótken shara joǵary deńgeıde uıymdastyryldy, aldyńǵy qatarly sarapshylarǵa óńirdegi qaýipsizdiktiń ózekti máselelerin talqylaý múmkindigin berdi.

Qazaqstan halqy úshin jeltoqsan aıynyń mańyzy erekshe joǵary. Bul aıda eki birdeı memlekettik mereke - Tuńǵysh Prezıdent kúni jáne Táýelsizdik kúni toılanady. Menińshe, bul meıramdar bir-birimen tikeleı baılanysty. Nursultan Nazarbaevtyń búgingi Qazaqstan táýelsizdigin nyǵaıtýdaǵy qyzmeti orasan zor, - dedi pákistandyq sarapshy.

Osy sátti paıdalana otyryp ol  baýyrlas halyqty aldaǵy merekelermen quttyqtady.

- Sizdiń elińiz saıasatta, ekonomıkada qol jetkizgen jetistikterdiń kýási bolyp otyrmyn. Budan tys, qazaqstandyqtardyń, ásirese jastardyń ómirindegi rýhanı ózgerister aıqyn baıqalady. Jas qazaqstandyqtar el jetistikterine qýanyshty, - dedi Halıd Mahmýd.

Sondaı-aq onyń pikirinshe, Qazaqstannyń BUU Qaýipsizdik Keńesindegi tóraǵalyǵy (2018 jyldyń qańtarynda - «QazAqparat» HAA) respýblıkanyń halyqaralyq arenadaǵy bedelin odan ári nyǵaıta túsedi. Qazaqstan Astanada «EKSPO-2017» kórmesin de sátti ótkizdi.

- Búgingi tańda Pákistan Qazaqstannyń damýyna erekshe yqylaspen kóz tigip otyr. Óıtkeni elderimizdi óńirdegi saıası máseleler jónindegi jalpy ustanymdar, lańkestikke qarsy kúres, din jáne mádenıet sekildi kóptegen faktorlar baılanystyryp tur, - deıdi sarapshy.