Pákistandyq premer-mınıstr gazsyz qaldy
ASTANA. QazAqparat - Bir apta buryn Pákistan premer-mınıstri Navaz Sharıf elde turǵyn úı-kommýnaldyq sharýashylyq qyzmetiniń tólemderi ýaqtyly bolýyn qatań baqylaýǵa alýdy tapsyrǵan edi.
Endi mine tıisti tólem jasamaǵandyqtan, onyń rezıdentsııasy gazsyz qaldy, dep jazdy Pakistan Today gazeti.
Belgili bolǵandaı, «boryshkerlerge qarsy kúres» júrgizýge shaqyrǵan premer qaryzǵa belshesinen batqandardyń qatarynan bir-aq shyqqan. Gazdy toqtatqanǵa deıin onyń qaryzy 4,7 mln. pákistandyq rýpııden (shamamen $48 000) asqan.
Sui Northern Gas Pipelines Limited (SNGPL) gazben jabdyqtaý kompanııasy anyqtaǵandaı, parlament ǵımaratynda da gaz úshin tólemder jasalmaǵan. Sóıtip olardyń boryshy 7,7 mıllıon rýpııdi ($78 000) quraǵan. Ózge de mekemelerde osyndaı jaǵdaı oryn alǵan.
